دسيف البحر سرية

دسيف البحر  سرية

رسول الله(ص) دخپل اکا حمزة بن عبدالمطلب په مشرۍ يونيم سل کسيزه ډله دهغه قافلې مخ ته ولېږل کوم ،چي دابوجهل په مشرۍ دشام څخه را روانه وه ، درې سوه ساتونکي ورسره وه دمسلمانانو ډله ،چي کله دسور سمندرګي څنډو ته ورسېده دقريشو دقافلې سره مخ سوه دواړه دجنګ لپاره تيار سوه يعني داچي مسلمانان درسول الله (ص) په امر دهمدې کار لپاره تللې وه ، درسول الله (ص) دامر مطابق دې ته چمتو سوه ،چي دقريشو پر قافله باندي بريد وکړي ، دبلي خوا دقريشو سره هم دقافلې ساتونکې ډله وه هغو هم سلاح تياره کړه ، څو دمسلمانانو ديرغل دفاع وکړي ،خو ددوى په منځ کي دجهني قوم مشر مجدي بن عمرو منډي ترنډي وکړې او دواړه لوري يې دجنګ څخه پر شا کړه . مجدي ددواړو لورو حليف ( هم پيمان ) وو په هرصورت کومه جنګي پېښه رامنځته نه سوه بلکي اسلامي فوج بېرته مدينې ته راستون سو.([1])

[1]  : الواقدي – المغازي ١ \ ٩ ، ابن هشام – السيرة ١ \ ٥٩٥ ، ابن سعد – الطبقات ٢ \ ٦ .

راتلونکې برخه:

دالعشيرة غزا او د  خرار سریه