بي حیایي – له شروع څخه تر پای پوري (۱۰)

۱۳). په زنا کي شپږ بد عادتونه:

نبي اکرمﷺ وفرمایل چي اې د خلګو ډلي!

د زنا څخه ځانونه وساتئ ځکه چي په دې کي شپږ څیزونه (عادتونه) تاواني دي، درې په دنیا کي او درې په آخرت کي.

۱. د دنیا درې بد عادتونه

(۱). د زاني په رزق کي کمي او بې برکتي راځي.

(۲). زاني د نېکۍ د توفیق څخه محروم کیږي.

(۳). د زاني لپاره د خلګو په زړونو کي نفرت او کرکه پیدا کیږي او یو بل ځای راغلي دي چي د زاني نارینه او زاني ښځي د څهرې رونق (نور) ختمیږي.

۲. د آخرت درې بد عادتونه

(۱). د زاني لپاره د الله تعالی ناراضګي وي.

(۲). د زاني څخه به حساب په سختۍ واخیستل سي.

(۳). زاني به د دوږخ د غذاب مستحق وي.

۱۴). زاني مؤمن نه پاتي کیږي:

نبي کریمﷺ فرمایي چي:

لاَ يَزْنِي الْعَبْدُ حِينَ يَزْنِي وَهْوَ مُؤْمِنٌ… [بخاري]

ژباړه: کله چي کوم کس زنا کوي نو دا کس هغه وخت (په عملي ډول) مؤمن نه پاته کیږي.

همدا ډول یو حدیث مبارک مخکي هم تېر سو چي د زنا په وخت کي زاني د ایمان ختمېدو په هکله راغلی وو، دا حديث مبارک هم دا وايي چي انسان د زنا په وخت کي په عملي ډول مؤمن نه پاتي کیږي.

الله تعالی دي موږ ټوله وساتي چي د داسي وعيداتو مستحق جوړ نه سو او خپل هر څه له لاسه ورکړو.

نوربیا…..

ژباړه او زیاتونه: مسلم احسانمل.