د بدر غزا- دکافرانو څخه دنيول سوو مالونو موضوع او رسول الله(ص) دغنيمت مالونه ووېشل

دکافرانو څخه دنيول سوو مالونو موضوع

حضرت عبادة بن صامت(رض) روايت کوي : موږ درسول الله(ص) سره دمدينې څخه را ووتلو بدر ته ورسېدو هلته موږ دخلګو سره جنګ وکړى دالله(ج) دښمنانو ماته وخوړل بيا يوه ډله خلګ په دښمن پسې سوه دښمن يې تعقيبوى اوهغه يې وژل ، بله ډله دغنيمت په مالونو اخته سوه دغنيمت مالونه يې راټولول او يوه ډله درسول الله(ص) پر شاوخوا ولاړ وه ،چي هسي نه ،چي دښمن دوکه وکړي او دالله(ج) پر رسول(ص) باندي حمله وکړي کله ،چي شپه سوه ټول خلګ سره راجمع سوه هغه کسانو ،چي دغنيمت مال يې راټول کړى وو هغو وويل : ،چي دغنيمت مال زموږ دئ موږ راټول کړى دئ پدې مال کي دهيچا حق نسته هغه ډلي ،چي دښمن يې تعقيبوى هغې ډلي وويل ،چي اصلا مال زموږ حق کېږي ځکه موږ دښمن تښتولى دئ اوهغه ډلي ،چي درسول الله(ص) حفاظت يې کاوه هغې ډلي ويل : ،چي مال زموږ حق دئ ځکه موږ دالله(ج) درسول(ص) حفاظت کاوه ،چي هسي نه دښمن دالله(ج) رسول(ص) ته کوم تکليف ياضرر ورسوي.

 

رسول الله(ص) دغنيمت مالونه ووېشل

دمسلمانانو ديولړ اختلافونو وروسته رسول الله(ص) دالله(ج) دلارښووني سره سم دغنيمت مال ددوى په منځو کي برابر ووېشى.([1])

رسول الله(ص) نوموړى وېش هغه وخت تر سره کړ، ،چي پنځمه برخه يې دبيت المال ځني جلا کړه ځکه الله(ج) همداسي لارښوونه کړي وه.([2])

رسول الله(ص)  نهه داسي کسانو ته دغنيمت دمالونو څخه برخه ورکړه ،چي دبدر په غزا کي يې ګډون نه وو کړى هغه داسي کسان وه ،چي دبدر غزا ته دمعقول عذر له امله پاته سوي وه يا پر لاري ټپيان سوي وه لکه حضرت عثمان(رض) ،چي خپلي مېرمني رقيېB ته درسول الله(ص) په لارښوونه پاته سو ځکه نوموړې بي بي په ناروغۍ اخته وه .([3])

کله ،چي درې ورځي پوره سوې نو درسول الله(ص) دامر سره سم درسول الله(ص) پر سورلۍ باندي کجاوه کښېښودل سوه بيا رسول الله(ص) پلى روان سو مبارک اصحابانD وروسته پسي روان سول تر داسي بريده ،چي دهغه څاه پر غاړه ودرېدئ ،چي دکافرانو وژل سوي مخور کسان پکښي غورځول سوي وه بيا رسول الله(ص) ددوى نومونه سره دپلرونو  دنومونو ياد کړل اوبيا يې ورته وويل : اې فلانيه ! دفلاني زويه ! ، اې فلانيه ! دفلاني زويه ! ايا دغه حال موخوښ دئ اوکه مو دالله(ج) او دهغه درسول(ص) اطاعت کړى واى ؟ ځکه زموږ سره ،چي خپل رب کومه وعده کړي وه دهغه وفا مو ترلاسه کړه ايا تاسو ته ،چي خپل رب کومه وعده درکړې وه دهغې وفا مو تر لاسه کړه ؟ حضرت عمر(رض) پوښتنه وکړه ،چي يا رسول الله(ص) ! تاسو دداسي جسدنو سره خبري کوئ ،چي په هغو کي روح نسته ؟ رسول الله(ص) وفرمايل : په هغه ذات دي مي قسم وي ،چي دمحمد(ص) ساه يې په توان کي ده کوم څه ،چي زه وايم تاسو يې تر دوى ښه اورېدونکي نه ياست يعني تر تاسو يې دوى ښه اوري .([4]

 

مدينې ته دمسلمانانو دبرياليتوب زيرى را ورسېدئ

رسول الله(ص) اواصحابو کراموD حرکت وکړ، ددښمن دلوري اسيران ورسره مله وه. کله ،چي پوره برياليتوب مسلمانانو لاسته راوړى رسول الله(ص) ژر تر ژره دوه کسان مدينې ته دزيري وړلو لپاره ولېږل نوموړي دوه کسان يو عبدالله بن رواحة(رض) او بل حضرت زيد بن حارثه(رض) وو ددوى تر رسېدو وړاندي په مدينه کي منافقانو ډول ، ډول اوازې ګډي کړي وې آن تردې ،چي دايې لاهم ويلي وه ،چي رسول الله(ص) قتل سوي دئ کله ،چي دغه دوه مبارک اصحابان ورسېده مسلمانان پر راټول سوه دوى مبارکانو پوره معلومات ورکړل ،چي مسلمانانو پوره برياليتوب لاسته راوړى دئ کافرانو ته سخته ماته ورکړل سوې ده زيات شمېر مشران يې وژل سوي دي او زيات مالونه يې پاته سوي دي([5])

 

رسول الله(ص) مدينې ته پرلاري ددوتنو دوژلوامر وکړئ

رسول الله(ص) دلاري په اوږدو کي دنيول سوو کسانو څخه ددوو کسانو دوژلو امر وکړئ ،چي يو يې نضر بن حارث وو او دوهم يې عقبة بن ابي معيط وو .([6])

[1]  : مسند احمد ٥ \ ٣٢٣ ، ٣٢٤ ، الحاکم ٢ \ ٣٢٦. الطبري – التفسير ١٣\ ٣٦٧ ، ٣٧١ ، الهشام – السيرة ١ \ ٣٤٤ ، احمد – الفتح الرباني ١٤ \ ٧٢

[2]  : وَاعْلَمُوا أَنَّمَا غَنِمْتُمْ مِنْ شَيْءٍ فَأَنَّ لِلَّهِ خُمُسَهُ وَلِلرَّسُولِ وَلِذِي الْقُرْبَى وَالْيَتَامَى وَالْمَسَاكِينِ وَابْنِ السَّبِيلِ إِنْ كُنْتُمْ آمَنْتُمْ بِاللَّهِ وَمَا أَنْزَلْنَا عَلَى عَبْدِنَا يَوْمَ الْفُرْقَانِ يَوْمَ الْتَقَى الْجَمْعَانِ وَاللَّهُ عَلَى كُلِّ شَيْءٍ قَدِيرٌ – سورة الانفال الايات : ٤١

[3]  : مسند احمد ١ \ ١٠١ باسناد صحيح

[4]  : متفق عليه مشکوة ٢ \ ٣٤٥ .

[5]  : ابن کثير – البداية والنهاية ٣ \ ٣٠٤ باسناد صحيح

[6]  : الهيثمي – مجمع الزوائد  ٦\ ٨٩ السهيلي – الروض الآنف ٣\ ٥٣ وانظر : الطبراني – الکبير ١١\ ٤٠٦ حديث ( ١٢١٥٤) واورد ابن هشام في السيرة  ٢ \ ٣٢٧ ان الاية (٢٧ ) من سورة الفرقان قد نزلت في عقبة بن ابي معيط هذا ، واخرج ذالک  الطبري في تفسيره ( ١٩ \ ٦) عن طريق عبدالله بن عباس(رضي الله عنهما) وانظر : ابن کثير – التفسير ٦ \ ١١٦ وقال : (وسواء کان سبب نزولها في عقبة بن ابي معيط اوفي غيره فانها عامة في کل ظالم).

راتلونکې برخه:

رسول الله(ص) داسيرانو په اړه مشوره وکړه