وږی موړ کړئ، دناروغ پوښتنه وکړئ او بندي دبنده خلاص کړئ!(۶)

وږی مور کړئ، دناروغ پوښتنه وکړئ او بندي دبنده خلاص کړئ!

شپږم درس:
دپورتني حدیث مبارک الفاظ او حواله:
عَنْ أَبِي مُوسَى قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «أَطْعِمُوا الْجَائِعَ وَعُودُوا الْمَرِيض وفكوا العاني» . رَوَاهُ البُخَارِيّ، رقم: 5373
تشریح: که کوم مسلمان وږی وي دځان مړولو لپاره مال نه لري او یا مال لري خو خواړه نه وي نو پر ټولو مسلمانانو باندي ددغه کس مړول فرض کفايي دي. همدا ډول که کوم مسلمان ناروغ سي پوښتنه کول یې دمیني او همدردۍ ستره وسیله ده رسول الله صلی الله علیه وسلم یې حکم کړی دئ او دمسلمان حق یې بللی دئ همدا ډول که کوم مظلوم مسلمان بندي وي پر ټولو مسلمانانو یې خلاصول فرض کفايي دي.