تعلیم القران راډیو Taleemul Quran Radio داسلامی معلوماتو سرچینه تعلیم القران راډیو،کندهار افغانستان
و مسلمان ته د يوه يهودي مېلمستیا!
يوه يهودي یو مسلمان سړی په خپل کور کي مېلمه کړی.
لومړی يې د خوراک لپاره انګور ورته راوړل هغه مسلمان مېلمه انګور و خوړل.
د انګورو تر خوړلو وروسته يې د انګورو څخه جوړ سوي نشه کوونکي شراب ورته راوړل.
مسلمان وويل: د شرابو څښل و موږ ته حرام دي.
يهودي وويل: ستاسو مسلمانانو کارونه د حيرانتیا وړ دي.
انګور حلال بولی او تاسو يې خورئ.
خو شراب چي د انګورو څخه جوړيږي هغه بيا حرام بولی.
مسلمان ورته وويل: آيا ته مېرمن لرې؟
يهودي ورته وويل: هو!
مسلمان ورته وويل:
ته يې راوله، يهودي هم خپله مېرمن راحاضره کړل.
مسلمان بيا ورته وويل: آيا ته لور لرې؟
يهودی ورته وويل: هو!
مسلمان ورته وويل: چي هغه لور دي هم راوله؛ يهودي هغه خپله لور هم راوستل.
مسلمان ورته وويل: آيا ته نه وينې چي الله تعالٰی ﷻ دغه ستا ښځه وتاته روا کړې ده او دغه ستا لور يې درته حرامه کړې ده سره له دې چي دغه لور دي د دغي مېرمني څخه زېږېدلې ده يا پيدا سوې ده!
يهودي وويل:
اشهد ان لا اله الا الله اشهد ان محمد رسول الله
راټولوونکی: عبدالقدیم عتید.
