تعلیم القران راډیو Taleemul Quran Radio داسلامی معلوماتو سرچینه تعلیم القران راډیو،کندهار افغانستان
د مسلمان د ژوند خوندوره بېلګه
ليکنه: حامد افغان
یو څوک له څو اولادونو سره کرایه کور کې اوسي، جیب کې د وچې ډوډۍ پیسې نه لري، د کور خاوند هم ورته وایي له کوره ووځه، د دې سړي حالت به طبعا سخت او دردوونکی وي. فرض کړئ ناڅاپه چا ورته وویل: د فلان خپلوان له میراثه تا ته سل 100 ملیونه پیسې وختلې، خو د میراث موضوع محکمه کې تر ویش او نورو اجرائاتو لاندې ده، پوره کال وروسته به ده ته خپل حق رسیږي، له هغه مخکي یوه پیسه هم نشي ترلاسه کولی. اوس راتلونکی کال د شتمني ترلاسه کولو په تمه د دې سړي دا یوکال ژوند که هر څومره په لاس تنګي کې وي خو خامخا به زیات خوشاله وي.
په دنیا کې د مسلمان ټول ژوند د دې سړي د یوه کال په څېر دی. یوه بوډا عرب دیني عالم نه خبریال په قسم سره پوښتنه وکړه: ایا ته نېکمرغه یې؟ هغه ورته وویل: زه لیږ نه، زیات نېکمرغه یم، ځکه مومن یم او که ښه عمل وکړم جنت ته به ځم، او د جنت وعدې ته په انتظار وخت کې که خامخا ستونزې او کړاوونه وي، زغمل یې اسانه او له هغو سره حتما ژوند نېکمرغه بللی شو. او بیا یې دا لوړ مثال بیان کړ چې الله زموږ سره د ښو وعده کړې ده: چا سره چې موږ ښه وعده کړې ده هغه به یې ترلاسه کوي. أَفَمَن وَعَدْنٰهُ وَعْدًا حَسَنًا فَهُوَ لٰقِيهِ. [سُوۡرَةُ القَصَص : 61]
